حزب اللہ لبنان نے درجنوں راکٹوں کے ساتھ شمالی مقبوضہ علاقوں کو نشانہ بنایا۔ فارس نیوز کے مطابق یہ حملے اسرائیلی فوج کی جنوبی لبنان پر فضائی جارحیت کے جواب میں کیے گئے۔ اسرائیلی چینل 12 نے بتایا کہ جنوبی لبنان سے متعدد راکٹ شمالی الجلیل کی طرف داغے گئے ہیں۔ اسرائیلی میڈیا نے مزید اطلاع دی ہے کہ زرعیت، بیت ھلل، کرات شمونه، هجوشریم، تل حای، کفار جلعدی، مسکاف عام، کدیٹا، صفد، بیریہ، صفصوفہ، کفار ہوشن اور الجش کے علاقوں میں سائرن بجنے کی آوازیں سنی گئیں۔ اسرائیلی ریڈیو اور ٹیلی ویژن کی رپورٹ کے مطابق، لبنان سے شمالی اسرائیل کی طرف 25 سے زیادہ راکٹ داغے گئے، جن کی وجہ سے تین مختلف مقامات پر آگ لگ گئی۔ صہیونی میڈیا نے مزید کہا کہ صفد کے علاقے میں راکٹ گرنے کے باعث شہر کاتسرین کی سڑکیں اور راستے بند کر دیے گئے ہیں۔ حزب اللہ لبنان نے ایک بیان میں کہا ہے کہ غزہ میں پائیدار فلسطینی عوام کی حمایت میں اور ان کی بہادرانہ اور شاندار مزاحمت کی پشتیبانی کرتے ہوئے، دشمن صہیونی کی جنوبی لبنان کی دیہاتوں پر جارحیت کے جواب میں اسلامی مزاحمت کے مجاہدین نے بیریا چھاؤنی میں دشمن کے میزائل دفاعی اڈے پر راکٹ فائر کیے۔ حزب اللہ نے مزید بتایا کہ گولانی بریگیڈ کی 631ویں جاسوسی بٹالین کے راموت نفتالی چھاؤنی پر بھی راکٹ حملے کیے گئے ہیں۔